ЖАҲОН САВДО ТАШКИЛОТИГА АЪЗОЛИК — МАРРАГА БИР ҚАДАМ ҚОЛДИ!

Аннотация

Мақолада Ўзбекистоннинг Жаҳон савдо ташкилотига аъзо бўлиш жараёни, миллий қонунчиликни халқаро савдо қоидаларига мувофиқлаштириш, ташқи савдони эркинлаштириш ва рақобатбардош иқтисодиётни шакллантириш масалалари атрофлича таҳлил қилинган.

Шунингдек, ЖСТга аъзолик доирасида миллий ишлаб чиқарувчиларни янги рақобат муҳитига тайёрлаш, маҳсулотлар сифатини ошириш, халқаро стандартларни жорий этиш, экспорт бозорларини кенгайтириш ҳамда хорижий инвесторлар учун очиқ ва барқарор иқтисодий муҳит яратишнинг устувор йўналишлари ёритилган.

Муаллиф таъкидлаганидек, ЖСТга аъзолик Ўзбекистоннинг жаҳон иқтисодиётига янада чуқур интеграциялашуви, тадбиркорлар учун янги бозорлар очилиши ва мамлакатнинг халқаро инвестициявий нуфузи юксалишига хизмат қилади.